Michiel Adr. de Ruyter: en face en en profil: sculptuur – David Humbert de Superville
Stasiun Bekasi – Stasiun Bogor
basa udar-ider ngalalakon hirup, pangumbaraan teh geuning teu katampi ku carita, teu ka-serat ku sakabeh manusa
naha, urang teu tiasa ngapapasten lakon ti buana panca tengah, teu mirosea kana siloka hujan silantang, teu katampi sasmita-na balébat?
sabab aya nu leuwih pikasieneun
salian ngayuga tangtu, nyaeta kaleungitan
pangharepan keur hirup nu ngindung ka waktu.
2025
Pancakaki
lamun sakabeh manusa di dunya
makekeun pancakaki
meren sakabeh jadi duduluran
hirup jadi silih asihan
plung!
moal aya perang sandekala
moal aya mangsa kacarita
lamun sakabeh manusa di dunya
ngawitan pancakaki
meren sakabeh jadi babarayaan
hirup jadi silih asuhan
hung!
moal aya maneh timur – aing barat
moal aya maneh hideung – aing bodas
jeung seterusna, keun ceunah dirarasaan.
2025
Lembur Urug
Ki Lengser ngadongeng:
hiji tangkal kawung
hiji pepelakan manusa
hiji babanda nu teu aya dua
plak-plek-plok
sia jeung aing
keur lalajo
plak-plek-plok
sia jeung aing
naha garelo
ku wayah nu teu katembong
slerrr!
2025
